Kak se negda slavio Božić

Spominala sam se s dedijom i bakom kak se negda, dok su oni bili mali, slavio Božić. Morem vam reči, bilo je interesantno. Ovak je to bilo:
Vjutro, na Badnjak si su se rano stali, jer se trelo preprajti. Muški su hronili krave, svije i koje. Trelo je štale počistiti.
Dreva je trelo nacepati ka bu dosti za celi den i noć. Žene su preprovlale hronu za navečer, i to postnu, nika premasno.
Dok se skmičilo, onda su se deca veselila. Kinčili su bora. Nega bilo takših ukrasi kak ve. Kinčilo se z jabukaj, slivaj, orehaj, s poforbanim listjem.
Najlepši ukrasi su bili cukuri zamotani v cifrastomu celofanu – zvali su ih saloni. Pod bor su obavezno išle jaslice od dreva.
Mama je na stol metala žitarice v obliku križa. Na se štiri strone stola je dela po jano jabuko i prek sega toga slamo. Onda bi se to pokrila s belim stoljekom i još gori slamu složila v križ. Posle pok stoljek i na jega buksa – ka budu meli peneze celo leto. Potli tretjega stoljeka se dela hladnetina, kolači i vino.
Navečer je japa nosiu slamu v hižu šteru je deo pod stol. V slamu su skrili jabuke i cukure za decu. Mama bi unda vužgala sveću, a japa je posvetio hižu s svetom vodom.
Si su skupa koli stola molili.
Slama pod stolom je zgledala kak ona v jaslicaj dok se Isusek narodil. Prije pol noći, si svetešji oprovleni, lepo su išli v cirkvu, na polnoćku.
Dok su došli dimo, svašta su lepoga jeli – kruha, meso, kolače, voće i povrće. Jer - Božić je došel!
Deca su si pod stolom v slami iskala skrite jabuke i cukure.
Svi su veseli išli spot.
Vjutro, dok su se stali, lepo su si jani k drugomu išli čestitat Božića.
Tak vam je to bilo – skromno, ali veselo!

                                                                                              Ena Matoša,. 7. r.

Zahvaljujem učenicama i uč. hrvatskog jezika Nini Jambrošić Vidra koje su nas dan prije Badnjaka vratile u jedna starija vremena kada se Božić slavio skromnije, ali punim srcem. Želimo svima da vam sutrašnji Badnjak donese blagostanje u kući, mir u srcu i osmjeh na licu!

Više sastavaka na temu: "Božić negda" možete pronaći pod STVARAONICA.